اسياد حنا على الســــادات
محدن تجرا على احمـــانا
حنا هل الطيب والوقفــات
من هــــازنا ذاق احــمانا
على الخيل هدمات الذاات
هيباتنا تـــرهب اعـــدانا
ما ندرق الخصم بالغرات
نعطي الخبر قبل ممشانا
صويبهم منا نعـده مـات
والحي مـا عـاد ينـسـانا
افعولنا فـــالزمن اثبــات
ودوس الخطر غاية امنانا
الطيب ساس لنا عادات
اولــنا مـــورثه لتـــلانا

المسلم أخو المسلم في صحيح البـخاري

وعند القضاه الحق مــا يـرضي أثــنـيـن

وجههً من الشــيـمـات والـــديـن عــاري

تــحــت الأقــــدم ولوه من الربع الأدنين

للشريف / عبدالمحسن بن شجاع بن الحسين

من لا يصادم صلف الايــام بــعـزوم

يصبر بضيمه غصب ويموت بلغيض

ومن لا فــعــل لا قــال لاردو أعــلـوم

مــا حــاش قولت نعم ويستاهل البيض

للشريف / عبدالمحسن بن شجاع بن الحسين

عــاداتـنـا بالطيب كـسب الـنـواميس

نخوض المعارك فا القــا ما نــهـابي

حنا عذاب الخصم لا غــزه ابــليس

فا اليوم الاقشر طعن شلف وجنابي

وحنا الدلايل ف اليال الــغـطــلـيس

ليا اختلط فـ لـيـل عــج وســـحــابي

للشاعر الشريف/ عبدالمحسن بن شجاع بن الحسين

حــــال يـحــل وحــال حله محـال

وحـالي نـحل وحـلل الحـل حــالي

ما حلبي حله عند علام الاأحـوال

لا حــل حــلً حـال حـالً بـحـالي

دنـيـاً تـقـلـب تـدرج فـوق محــال

صيورها والعمر مروحه لزوالي

الشريف / عبدالمحسن بن شجاع بن الحسين



جوي يغيم كـان جـو السـمـاء غــيم

والأجواء تهيض هاجسي لا تلاقت

ولا لاحلي بـرق اليــال المــعــاتيم

مـــاكــنــه الا خـــدها يــوم واقت

علي الطلاق ومعه حلف وملازيم

فوق الـبني بـزيـن والعـقـل فــاقت

خلي وفي حبه انا امـوت و أهــيم

سبع الأراضي يوم فرقاه ضـاقت

للشريف / عبدالمحسن بن شجاع بن الحسين

وقت الرخاء يا كثر الأصحاب حولي

كل(ن) يقول أبشر في كـــل الأحوال

يومــنها ضـــاقـت وزادت حــمــولي

ورتـنـي الــدنـيـا غـرابـيلها أشـكــال

مــا مـنهم الــي قـــال هـمـك يـزولي

راحــت صـداقـتـهم مـقاصيد الأنـذال

وهـاذي عـوايدهم ضعـوف العقـولي

لا وا خــسـارة قـولـة أفــلان رجـال

لا صار فعلي ما أحـتمى دون قـولي

يحرم علي أشرب من الكيف فـنجال

وأبعدت لـين أحـفـيـت سـمـرا ذلـولي

أبـغـى مـفـارق هـافـي الـجـد والـخال

الشاعر الشريف / عبدالمحسن بن شجاع الشريف